路環可以釣魚地方黎黎去去都係個幾個.走左一圈,奉上幾幅圖俾同我一樣既新手參照
譚公廟:
譚公廟右手邊樓梯上,走過舊港務局旁邊有小路落,非常容易揾
安全程度: 比較安全,水流快
蝙蝠洞,大膽角沿岸水泥廠右手邊聖母馬路直去,右手邊有路牌指向九澳燈塔,門口寫住內有惡犬,不過照入,電單車可直接上到燈塔,入去轉右上斜路,見到院舍轉左,然後望右見到一港務局路障,穿過路障可以直上就
到燈塔,燈塔左手邊有山路,可以落去.另外一條路去蝙蝠洞係燈塔圍網右手邊非常小路,小路分3條,最安全系沿圍網走到燈塔背面,再分2條小路,右手邊小路係最安全最好走一條.
安全程度:一般,建議第一次去結伴去.風大,石險.
龍爪角路環沙灘右手邊別墅走到盡頭就係龍爪角入口,因為作為健康徑,沿路無太大危險,有扶手,不過要釣魚就要攀過圍網,小心米破壞公物,亂丟垃圾.
呢個地點大多人都知道,非常容易揾.
安全程度:安全.亦係比較多人釣魚同比較多魚釣既地方,不過我只釣過或頭.假日過癮唔錯
竹灣竹灣海灘兩邊,一邊可以經別墅區落去,一邊可以用竹灣路經過涼亭落去,路要慢慢發現,因為有草叢者遮蓋,去的話一定要著長褲,夜水要早去,摸黑過草叢係好危險
一般有或頭,黃立仔,庵釘之類,日間有水上電單車游弋,非常吵槽.一般建議4點後.落到平石比較安全.
建議2人同行,因為比較陡峭....
呢幾個地方係比較容易無阻擋可以去到,仲有無其他好地方真係要資深師兄介紹,都幾想入威凘汀玩玩,請師兄教路!
[ 本帖由DEO在2009-08-31 19:39重新修改 ]